¡Ongi etorri Arrigorri Ostatu Jatetxe Kooperatibara!

Arrigorri Ostatu Jatetxea Ondarruko udalerrian kokatzen da, izen bereko hondartzaren gainean eta Bizkaiko Golkoari begira. Kokapen estrategiko honek sekulako ikuspegia eskaintzen digu itsasoaren handitasunari zeru zabala gehitzen baitzaio: egunsenti ikusgarriak, txalupen sarrera eta irteerak, Ondarroako portua... Neguan, ekaitz eta galarrenez gozatzeko parada ere badaukagu: hori bai, eraikinak ematen duen babes eta epeltasunetik. Eta udaran eta udazkenean, ostatuaren eremuan dauden terraza xarmangarrietan, kresalaren usaina eta olatuen joan-etorri etengabek erlaxatzeko aukera paregabea ematen digu.

Arrigorriko eremuak hainbat aukera ematen dizkigu eskaintza esberdinak edukitzeko.
Eraikuntzak berak, jatetxea, logelak, taberna, multigela eta terraza ugari dauzka.
Jatetxean, talde bazkariak, menu bereziak, aukera begetarianoa...eta abar izaten dugu.
Ostatuan ezaugarri desberdinetako gelak daude, prezioa ere horren arabera ezarriz. Gela bikoitzak, banakakoak, eta baita ere aniztasun funtzionalekoak.
Multigelan ordea, hainbat aktibitate egin ahal dira. Batzarrak, kintadak, txokolatadak, erakusketak, kontzertuak, tailer esberdinak (dantza, fotografia, literatura, yoga....)
Terrazak, -1 pisuan, 0. pisuan tabernan eta 1.pisuan daude, bakoitzean jarduera desberdinak egiteko aukera emanez.