Buscar en el sitio


Contacto

Arrigorri Ostatu Jatetxea
Arrigorri 3
Ondarroa
48700

722302869
946830047

E-mail: arrigorriostatua@gmail.com

DASTATU ARRIGORRI

Arrigorri Jatetxean 99 lagun sartzen dira. Jatetxeak 120 metro karratu ditu eta arrantzarako eta ontzioletako tresnez dekoratuta dago, guztiak ere Ondarroako txalupetan erabilitakoak, ikusgai dauden Ondarroako arrantza ondarearen azken aztarnak, izan ere. Eguraldi onarekin terrazan bazkaldu edo afaltzeko aukera ere badago.

Arrigorri Jatetxearen eskaintza gastronomikoa sasoian sasoiko produktuetan oinarritzen da, etxeko sukaldearen zaporea mantenduz eta Lea Artibai eskualdera heldutako komunitateen ekarpenak txertatuz. Urtean zehar, herriko dendariak dira gure barazki hornitzaileak nagusiki, eta aukera dagoenean inguruko baserritarren produktuak ere erabiltzen ditugu.

Mota ezberdinetako entsaladak dauzkagu eta zizka-mizken artean, etxean egindako kroketak, makailu nahaskia, langostinoak…dira gustukoenak.

Arrainak, esate baterako, itsasotik plantxara salto egiten du. Sasoiko arrainarekin lan egiten dugu: berdela, antxoa, hegaluzea… Urte osoan zehar sartzen den legatzari muzin egin gabe, edota izoztuta erosi arren, oso kalitate oneko makailua eskainiz.

Haragiari dagokionez, tenperatura baxuan egindako txerri saiheskia eta bildotsak dira gure espezialitatea.

Menu begetarianoak geroz eta harrera hobeagoa dauka: falafelak, hanburgesa begeta eta noizbehinkako plater bereziak: barazki lasaña, menestra, dilista krema...

Etxeko postreak saihestezinak dira: etxeko tartak, koko flana, arroz-esnea, ardi gazta menbriloarekin…

Edariei dagokionez kriantza ezberdinak, gorriak, berdejoa, txakolia, sagardoa eta albarinhoa. Ohiko garagardoez gain, Euskal Herriko garagardo artisaua daukagu, Boga.